Kombîyayîşanê Komîteya Qanûnê Bingeyênî yê Sûrîye yê ke bê kurdan bi 150 kesî des pêkerdibi mabênê dişemeyî ra dima zî newe ra dest pêkerd.

Endamê heyetê nuştişê Qanûnê Bingeyênî yê ke 45ê înan temsîlarê rejîmî , 15ê înan komê muxalîfî yê terefgîrê Tirkîya û 15ê înan zî rêxistinanê komelan ê Sûrîye yê bi serekîya Temsîlkarê Taybet ê Neteweyanê Yewbîyayeyan ê Sûrîye Geir Pedersenî dest pê pêvînayîşanê turê dîyin kerd. Heyetê rejîmê Sûrîye bi vatişê ''Têkoşînê vera terorîzmê erdê Sûrîye, wedaritişê ambargoyan ê vera Sûrîye û şermezarkerdişê hêrişanê Tirkîya yê vera Vakur û Rojhelatê Sûrîye û mojnayîşê tewirêkê hempar ê vera naye'' hîrê madeyî pêşkêş kerdî labelê seba ke madeyî nêameyî qebulkerdene masaya pêvînayîşî terikna. Pedersen seba ke heyetê rejîmî abigêro masa di roj ê ke pêvînayîşanê dîplomatîkan keno.Serekê heyetê rejîmî Ahmed Kûzbarîyî Oedersenî ra vat: "Eke vera hêrişanê Dewleta Tirke tewirêko hempar nêro mojnayene û hêrişî nêrê şermezarkerdene hînî manaya pêvînayîşanê dormeyê masa nêmanena."

Bêvengîya Neteweyanê Yewbîyayeyan

Seba ke heyetê rejîmî red kerd ke abigêro masa pêvînayîşê ewroyênî nêameyî destpêkerdene. Yeno pawitene ke Pedersen derheqê krîzî de beyanatêk pare biko. Îdareyê Xoserîya Demokratîke yê Vakur û Rojhelatê Sûrîye verê cû derheqê kombîyayîşanê Komîteya Qanûnê Bingeyênî ya Sûrîye de beyanatêk weşanabi û îfade kerdibi ke eke ê mîyanê kombîyayîşan de nêbê çi bire bêra girewtene ê do qebul nêkê. Îdareyê Xoserî pare kerdibi ke kombîyayîşê ke ê mîyan de çin ê do ser nêkewê û na babete ser o Neteweyê Yewbîyayeyî hişyar kerdibî.