Komîteya Pawitişê Rojnamegeran (CPJ) pare kerd ke serra 2022yî de xeylêk rojnamegerî ameyê tepiştene û bale ante ser ke Tirkîya zî tede 5 welatan de hûmara rojnamegeranê tepişteyan zaf zêde ya.
Komîteya Pawitişê Rojnamegeran (CPJ) pare kerd ke serra 2022yî de xeylêk rojnamegerî ameyê tepiştene û bale ante ser ke Tirkîya zî tede 5 welatan de hûmara rojnamegeranê tepişteyan zaf zêde ya.
CPJyî raporê xo de da zanayene ke 2022 de 363 rojnamegerî ameyê tepiştene û tewr zaf zî Tirkîya, Îran, Çîn, Myanmar û Belarusî de rojnamegerî tepişîyayê.
Rapor de ame parekerdene ke Tirkîya û Îran de bi taybetî rojnamegerê kurdî binê teda de yê û wina ame vatene: ''Îran de kurdan beledê protestoyanê vera hukmatî da û tewr tay 9 rojnamegerê kurdî heta nika tepişîyayê. Tirkîya de rojnamegerê JINNEWSî, Ajansê Mezopotamya û xebatkarê şîrketanê produksîyonî zî tede 25 rojnamegerê kurdî tepişîyayî. Iraq de zî emser goreyê tesbîtan 3 rojnamegerî tepişîyayê.''
CPJyî îfade kerd ke Tirkîya de hûmara rojnamegeranê tepişteyan bîya 40 û bale ameye antene binpaykerdişê heqanê rojnamegeran, sansûr û hêrişanê vera azadîya çapemenîye ser.
