Çeteyanê DAÎŞî mabênê qezaya Daqoqî ya Kerkukî û Xurmatu de hêrişê di nuqtayanê artêşa Iraqî kerd.

Goreyê xeberanê ke çimeyanê cayîyan ra ameyî girewtene bînşewe çeteyanê DAÎŞÎ nêzdîyê dewa Mahawujî ya Xurmatu de  derûdorê  Mataam Baxire û Daqoq û herêma Heftexarî nêzdîyê Mucama Aburî de hêrişê di nuqtayanê Iraqî kerd.

Ame vatene ke demê kilmî yê pêkewtişan de her di nuqtayan de zî merde û birîndarê artêşa Iraqî estê. Goreyê zanayîşan çeteyan her di nuqtayî zî girewtê binê kontrolê xo, la nêno zanayene ke çeteyî do ûca bimanê ya ney.  Seba ke artêşa Iraqî û polîsê federalî mudaxele bikerê merkezanê Kerkûk, Tikrît û ê bînan ra hêzê hetkarî ame sewqkerdene.