Hêzanê asayîşê qeraxî pare kerd ke wexto ke Dengizê Arboranî yo ke mabênê Îspanya û Fasî de yo dewrîye gêrayêne keştîyêke dîye ke tewr tay 70 koçberî tede bîyî. Goreyê çimeyanê leşkerî cenazeyê 7 kesan ameyî dîyene.

Keştîye de ke yeno vatene şewa yewşemeyî cum bîye tede koçberê welatanê Afrîka estbî. Labelê goreyê Comînando Fronteras o ke hetkarîye dano koçberan keştîye de tewr tay 24 koçberî vîn bîyî. Goreyê na komele keştîye de tewr tay 100 kesî bibîyêne. Kesê ke ameyî xelisnayene mabênê înan de zaf cinîyî û domanî estbî.

Goreyê doneyanê Rêxistina Koçî yê Mîyanneteweyîye (IOM) a Neteweyanê Yewbîyayeyan serra 2014î ra nata tewr tay 25 hezar koçberanê xîret kerd ke xo biresnê Ewropa wefat kerd. 19 hezarê înan Dengizê Sipî de wefat kerd. Bi seyan kesanê erdê Afrîkaya Rojawane ra derbazê Atlantîkî bîyêne wefat kerd. Destpêkê na menge de nê rayîrî ser o tewr tay 62 koçberan wefat kerd.