Freedom House pare kerd ke dewletê ke merdiman teberê welatî ra remnenê zêdîyenê û îfade kerd ke Çîn û Tirkîya serekeyê nê dewletan ê. Dezgehî waşt ke vera nê dewletan ambargo bêro caardene.

Freedom House da zanayene ke serra 2014î ra nata înan 38 welatan de 854 'tedaya teberê sînorî' eşnawita.

Serekê Freedom House Michael Abramowitzî vat: ''Rixmo ke mesuldarîye kewte rojdem hukmatê otorîterî xîret kenê ke dîasporê xo ser de û merdimanê surgunan ser de kontrol virazê.

Rapor de hukmatê Çîn, Tirkîya, Tacîkîstan, Rûsya û Misir sey kerdoxanê serekeyan ê qeçaxçîtîya merdiman pênase benê.

Goreyê raporî hukmatê tirkî 132 reyî 'teberê welatî de teda' kerda.