Dewleta tirke rew ra Kerkûk de serê Cepheyê Tirkmenan ra provakasyonan kena. Zanîyeno ke Cepheyê Tirkmenan o ke awanîyêka nîjadperest a, hetê dewleta tirke ra yeno perwerdekerdene û dewleta tirke çekan dana înan.

Goreyê xebera Rojnewsî Sereko verên ê Cepheyê Tirkmenan Erşed Salihîyo ke pê dişmenîya xo ya vera kurdan şinasîyeno, şerê Bexdadî ra dima eşkerayîyanê provakatîfan dano.

Vîdeo de zî aseno ke Salihî endamê Heşdî Tirkmenan û tay endamê artêşa Iraqî dormeyê xo de kom kerdê, Kerkûk de gefan waneno. Salîhî vîdeo de vano ''Wa kêfê dostan pê nê çêran bêro, dişmenî înan ra biterso. Kekrûk binê kontrolê Hêzanê Pawitişê Kerkûkî de asayî yo. Wextê şerê Iraqî de Kerkûk do binê kontrolê ma de bibo.''

Qet yew mesuldarîya leşkerî ya Salihîyî çin a û nê gefê ey qesawetî virazenê ke vera kurdan û Iraqî şerêkê neweyî dest pêbikero.