Eyaletê Teksasî yê Amerîka de 19 domanî û mamostayêke netîceya hêrişêkê çekdarî de ameyî qirkerdene. Walîyê Teksasî Greg Abbottî da zanayene ke vergumanê 18 serrî bi hawayêkê barbarî û bêmanayî 19 domanî û mamostayêke qir kerdî.

Hêriş dibistanêka Uvalde ya Teksasî de qewimîya û hêrişkaro 18 serre zî hetê polîsan ra kişîya. Ame parekerdene ke dibistane de bi temamî 500 wendekarî est bîyî.

Amerîka de hema vaje her roje hêrişê çekdarî yê winayênî qewimîyenê. 2018 de zî lîseyêkê Florida de 17 domanî ameybî kiştene.

Serekê Amerîka Joe Bidenî hêrişî ra dima seba têkoşînê vera lobîyanê çekan veng da.