Dostê kurdan Ebrahîm Ebrahîmo ke Afrîkaya Başure ra yo, 84 serrîya xo de 8ê kanûne de kanserî ra dinyaya xo bedilnaye.

Konseya Rayberdişî ya KNKyî semedê Ebrahîmî mesajê serweşîye weşana û vat: ''O şorişgêrêko pîl bi.''

KNKyî îfade kerd ke Têgêrayîşê Azadîye yê Kurdîstanî serra 1990î de Afrîkaya Başure de xo rêxistin kerdêne Ebrahîm Têgêrayîşê Azadîye reyde bi.

Ebrahîm wextêk Wezîrê Karanê Teberî yê Başûrî bi û Endamê Kongreya Neteweyîye ya Afrîka bi. Hezîrana 1999î de wexto ke Hamburg de seba Rayberê Şarê Kurdî konferans amebi kerdene ey zî uca de qisey kerd. Xêrê rolê ey ra 2017 de konferansê ANCyî de paştdayîşêko pîl amebi dayene azadîya Ocalanî.

KNKyî vat: ''Ebrahîm 2021 de seba azadîya Rayberê Şarê Kurdî  Ocalanî mesajêk şawitbi.''