Endonezya bobelata laserî ya 2013î ra dima laserêko tewr xirabî reyde emser ameye rî bi rî.
Peynîya serre de varayîşê varanî yê zêde ra zaf taxê Cakarta ya ke nufusê ci 30 mîlyon o binê awe de mendî. Herême de wesayîtê ciser ameyî û keyeyan zerar dî.

Goreyê selahîyetdaran hûmara kesanê ke laser de merdî bîye 43. Qasê 10 kesî zî vîn bîyî. 410 kesî keyeyanê xo ra ameyî vetene û cayanê bînan de ameyî cadayene.

Awa laserî zaf waran ra şîye û nê waran de ceyran reyna ame dayene.

Hukmatî pare kerd ke ê bi madeyanê kîmyewîyan mudaxeleyê hewran bikê ke varanî reyna bobelatêka bîne nêarê meydan.