Erdlerzê Japonya de 62 kesî merdî û tewr tay 300 kesî birîndar bîyî
Merkezê Japonya de roja dişemeyî erd lerzabi. Goreyê bîlançoya peyêne erdlerz de 62 kesan dinyaya xo bedilnaye û tewr tay 300 kesî zî birîndar bîyî.
Goreyê eşkerayîya Ajansê Meteorolojî yê Japonya (JMA) 1ê çeleyî de Nêmgirawa Notoyî û qeraxanê Işikawa de bi girdîya 5 û 7î erdlerz qewimîyayo.
2yê çeleyî de ancî qeraxanê Nêmgirawa Notoyî de bi girdîya 5,6î erdlerz qewimîya.
Goreyê heman ajansî ewro zî Noto de bi girdîya 5î û 5,5î erdlerzî qewimîyayê.
Goreyê selahîyetdaran erdlerz de 62 kesan dinyaya xo bedilnaye û tewr tay 300 kesî zî birîndar bîyî. Rewşa 20ê birîndaran zî giran a.
