Yewîya Ewropa û Amerîka de tedaya vera ê bînan roje bi roje zêdîyena. Serrgêra kişîyayîşê George Floyd de ke par hetê polîsêkî amebi qetilkerdene, cîyakerîye û tedaya polîsan ser o raporêk ame amakerdene. Rapor seba Ajansê Heqan ê Bingeyînan ê Ewropa ame amakerdene.

Amadekaranê raporî ra Samî Nevalayî vat: ''Reya verêne ma tedaya polîsan a vera komelî, koçberan û ê bînan cigêrenê. Aseno ke teda zaf zêdîyaye.''

Rapor de ame îfadekerdene ke tedaya polîsan mîyanê komelî de beno sebebê cîyakerîye. Ajansî rapor de  pêşnîyaz kerd ke vera teda û kerdişanê xiraban ganî polîsî bêrê perwerdekerdene.