Wezîrê Karanê Zereyî yê Fransa Christope Castanerî bi beyanatêkî pare kerd ke înan ferman da walîtîyan ke vera Îslamîstanê radîkalan hîna zêde têkoşîn bêro kerdene. Na çarçewa de yeno pawitene ke vera înanê ke erj û faydeyanê komanê cîyayan  erjanê komare ra ver hesibnenê têkoşîn do bêro kerdene.

Gore Wezaretê Karanê Zereyî walîtîyan ra ame waştene ke kontrol û teftîşî do bêrê xurtkerdene.  Na çarçewa de bi tewrbîyayîşê walîyanê 96 şaristanan û hetkaranê walîyan semînerêk ame serûberkerdene. Walîyan ra bi taybetî ame waştene ke selahîyetê ke qanûnan vera îslamîstanê radîkalan dayê hîna zêdêr bêrê xebitnayene.

Castanerî semînerî ra dima qisey kerd û vat: "Îslamîstî projêkê sîyasî yê antî-demokratîk, antî-komarperest ê. Îslamîstî dişmenê Îslamî yê tewr pîlî yê.