Wezîra Karanê Teberî ya Fransa Catherina Colonna rojnameyê Journal du Dimanche rê qisey kerd û vat: ''Mesuldarîyê Tirkîya est ê û ganî Tirkîya tercîhê xo bikera.''

Colonna persê 'Wazena îtîfaqê xo xurt bikera yan zî dûştê ney a?' ser o vat: ''Sey endamêka NATOyî verjîyayîşê endamîya Swêd û Fînlandîya keno ke derheqê endamîya Tirkîya de şikî peyda bikero. Fînlandîya û Swêdî tercîhêko tarîxî kerd. Endamîya înan Ewropa rê fayde kena.''

Roja dişmeyî pêvînayîşanê Tirkîya-Swêd-Fînlandîya yê Brukselî ra qet yew netîce nêvejîyaye.

Dewleta tirke dişmenîya vera kurdan kena sebebê bingeyî yê vervejîyayîşê endamîya wir welatan.

Goreyê Qesra Serekkomarîya Fransa, Emmanuel Macronî zî kombîyayîşê NATOyî yê 28ê hezîrane ra ver biwazo ke Tirkîya tewirê xo eşkera bikera.