Şêwirmendê Asayîşê Neteweyî yê Qesra Sipî Jake Sullivanî Washington de kombîyayîşê çapemenîye kerd û îdîa kerd ke Îran do bi seyan droneyan bido Rûsya.

Jake Sullivanî vat: ''Îstîxbaratê ma mojneno ke hukmatê Îranî do wextêkê kilmî de hacetê şerî zî tede bi seyan droneyan teslîmê Rûsya bikero.''

Goreyê Jake Sullivanî  na agahîye mojnena ke ''Hêzê Rûsya amadekarîye kenê ke xo babeta şuxilnayîşê droneyan de perwerde bikerê û nê perwerdeyî menga temmuze de do dest pêbikerê.''

Şêwirmendî ard ziwan ke ê nêzanenê ke droneyî ameyê teslîmkerdene yan nê û vat ke droneyê Îranî verî zî Yemen de hetê Hûsîyan ra seba 'hêrişê vera Arabîstana Suûdî' şuxilîyayê.