Berpirsîyaranê Haşdî Şabîyî ra Kaîs El Hazalîyî twîtter ser o eşkerayîyêke weşanaye û cewabê Îranî yê vera kiştişê Silêmanîyî vist vîrî. El Hazalîyî vat: Vera qetilkerdişê fermandarê şehîdî Muhendîs wext ame ke Iraqî ra cewab bêro dayene.
DYA çend rojî verê cû Kaîs El Hazalî îlaweyê lîsteya ''terorîstan'' kerdbi. Şewa 2-3ê çeleyî de Washington de meydanê teyarayan ê Iraqî Bexdad de vera Fermndarê Îranî Qasim Silêmanîyî û Şefê Tugayanê Hîzbullahî yê Haşdî Şabîyî Ebu Mehdî El Muhendîsî hêrişêk amebi kerdene û 5 îranijî û 5 iraqijî merdbî.

Rejîmê Îranî roja çarşemeyî tewr tay 20 fuzeyî nayî baregehanê Amerîka yê Iraqî û Başûrê Kurdîstanî ro. Goreyê çimeyan Îran de 80 kesî merdî. DYA bîlnaçoya hêrişî hema eşkera nêkerde.