Goreyê bîlançoya newî zîyaretê hecî de yo ke têhetameyîşanê tewr pîlan ê dînîyan ê dinya ra yew o, hûmara merdeyan hezarî ravîyarte.

Dîya zanayene ke zafê nê mergan rîyê germî ra qewyimîyayî. Goreyê servîsanê meteorolojî versî de gerîmîye 52 derece ya.

Dîplomatê erebê ke AFPyî rê qisey kerd vat kesanê ke dinyaya xo bedilnaye înan ra 658 kesî misirijî. Înan ra 630 kesî bê vîzeya fermî tewrê zîyaretî bîyî. 

Her serre bi des hezaran kesî bê vîzeya fermî tewrê zîyaretê hecî benê û nê hetê selahîyetdaranê Suudî ra nêresenê tesîsanê bi klîmayan. Emser Senegal, Endonezya û Tunusî ra zî xeylêk kesî  merdî.

Her serre bi mîlyonan muslumanî seba ke îbadetê hecî yo ke panc şertanê îslamî ra yew o, bîyarî ca Mekke de yenê têhet. Goreyê selahîyetdaranê Suudî emser 1.8 mîlyon kesî tewrê zîyaretê hecî bîyî ke înan ra 1.6 mîlyon kesî tewberê welatî ra ameyî.