Amerîka vizêr şan paytextê Iraqî Bexdad de dabi hêzanê Tugayanê Hîzbullahî ro. Hîzbullah ke nêzdîyê rejîmê Îranî yo, bi eşkerayîyêke da zanayene ke hêriş de fermandarê înan o payeberz Ebû Bekîr El Saadî kişîyayo.

Fermandarîya Merkezî ya Artêşa Amerîka (CENTCOM) zî da zanayene ke hêriş de fermandarêkê Hîzbullahî kişîyayo ke vera hêzanê Amerîka tay hêrişî plan kerdbî. CENTCOMî îfade kerd ke vera hêzanê sey Hîzbullahî hêrişê înan do dewam bikerê û hesabê gefanê serê Amerîka bipersê.