Nîjerya de çetayanê Boko Haramî hêriş kerd tewr tay 30 kesî merdî. Hêrişî şanê Yewşemeyî de wareyo ke bi desan kesan maçê futbolî temaşe kerdêne ameyî viraştene.

Goreyê selahîyetdaranê cayîyan, bajarê Kondugayî yo ke 38 kîlometreyî dûrê paytextê Maîdugurî yo, hîrê hêrişkerdoxanê kiştoxan hêriş kerd.  Ame zanayene ke tewr kêmî 30 kesan rîyê hêrişan ra cuya xo vîndî kerde, 40 ra zêdeyî kesî zî bî birîndar. Qesawet yeno kerdene ke netîceyê hêrişan girantir bibê. Hewteyê vîyarteyî de herêmanê cîyayîyan ê Nîjerya de tewr kêmî 154 kesî ameybî kiştene, hetê bînî ra 9 kesî zî ameybî remnayene.