‘Hêrişê DAÎŞî Awusturya de ame astengkerdene‘

Paytextê Awusturya Vîyana de tewr tay 3 cergê DAÎŞî ameyî tepiştene ke ame îdîakerdene ke Vîyana de û welatanê cîyayan ê Ewropa de qirkerdişî plan kerdêne.

Goreyê Ajansê Xeberan ê Awustura (APA) amadekarîya qirkerdişêkê merkezanê Noelî de ame astengkerdene. Xebera APA de ame parekerdene ke 2 kesê çeçenî yê gumandarî yê ke merkezê Noelî yê Vîyana de do hêrişêk bikerdêne ameyî tepiştene.

Kesê ke ameyî tepiştene mabênê serranê 24-31 de yê û înan ra yew wexto ke waşt şoro Sûrîye ame tepiştene û hema zî zindan de yo. Xebera APA de ame vatene ke no kes bi rayîrê telefonî her di cerganê çeçenan reyde têkilîye kerdêne. APA eşkera kerd ke her di kesê bînî yê ke planê qirkerdişî kerdêne peynîyê hewteyî de ameyî tepiştene. Mehkema Vîyana derheqê babate de zanayîşêk nêda. Ame vatene ke nê cergan do şaristanê Sazlburgê Awusturya de, Almanya de, Fransa de yan zî Luksemburg de hêriş bikerdêne.