Hêrişker Abdesalem L.yo ke Tunusî ra yo, 16ê teşrîna verêne de Bruksel de 2 terefgîrê tîma futbolî ya Swêdî bi çeke qetil kerdbî. 

Goreyê medyaya Belçîka hêrişker serê sibayî sereştiş de taxa Schaerbeekî de ameyo kiştene.

Serebûtê 16ê teşrîna verêne de hêrişkerî kuçe de merdiman ser o guleyî verdayî. Hêrişkerî dima facebook de dîmenêk weşana û vat: ''Ez endamê DAÎŞî ya. Seba qesasê misilmanan mi no hêriş kerd.''

Hêrişker Abdesalem L.yo 45 serre bi hawayêkê qeçaxî Belçîka de mendêne. Ey 2019 de seba multecîtîye muracat kerdbî û la 'profîlê xo yê radîkalî' ra muracatê ci amebi redkerdene.