Serewedaritişê şarê Îran û Rojhelatê Kurdîstanî 16ê êlule ra nata vera beno pîlêr. Hêzanê dewlete heta nika bi seyan kesî qetil kerdî.

17ê teşrîna peuêne şaristananê Ûrmiye, Mahabad, Bokan, Seqiz, Dîwander, Sine, Kamyaran, Kirmaşan, Abdanan û Îlamî yê Rojhelatê Kurdîstanî de şar meydanan de bi. Dîya zanayene ke Sine de Aram Hebîb û Şaho Behmanî, Bokan de Mahabad de û Seqiz de Xefûr Mewlûdî, Azad Hisên Pûr û Rehman hetê dewleta Îranî ra ameyî qetilkerdene. Bi desan kesî zî birîndar bîyî.

Sine de sloganê 'Dîktatorî rê merg' yeno vatene. Şaristanê Bokanî de zî bînaya şaredarîye ameye vêşnayene.

Ame parekerdene ke roja çarşemeyî şaristananê Rojhelatê Kurdîstanî hêrişanê hêzanê dewlete de tewr tay 10 çalakîkerî ameyê qetilkerdene.

Şaristananê Îranî yê sey Tehran, Meşhed, Babol, Tewrêz, Bender Abbas, Masal, Şîraz û Îsfahanî de çalakîyê pîlî ameyî kerdene.

Goreyê medyaya fermîye Meşed de 2 endamê paramîlîterî yê Besîcî bi kardî ameyê kiştene.

Roja pancşemeyî şaristanê ronayoxê Komara Îslamî ya Îranî Ruhulla Humeynî  Humeyn de nawnayîşî ameyî kerdene.

Goreyê Rêxistina Heqanê Merdiman a Îranî heta nika tewr tay 342 kesî ameyê qetilkerdene ke nînan ra 43yê ci doman ê.