Dîwanê Edaletî yê Mîyanneteweyîyî (ICJ) yo ke organê mehkeme yo tewr berz ê Neteweyanê Yewbîyayeyan (NY) o, venga hukmatê Şamî da ke peynîya îşkence û kerdişanê xo yê xiraban bîyaro. ICJyî derheqê babete de roja panşemeyî eşkerayîyêke daye.

ICJyî vat: ''Komara Ereban a Sûrîye seba ke peynîya îşkence, kerdişanê xiraban, qijvistişî û vera merdimatîye bîyara ganî pêro tedbîran bigêra.''

Dima ke mehkemeyanê Fransa derheqê hêrişanê ci yê kîmyewîyan de Sûrîye mehkum kerdbî bire dabî ke wa Beşar Esad bêro tepiştene ICJyî zî na eşkerayîye daye. 

Kanada û Hollanda zî venga ICJyî dabi ke wa îşkenceyanê Sûrîye vindarno. Eşkerayîya wird welatan a hempare de venga Sûrîye zî dîyabi ke seba ke sîcilê ci yê heqanê merdiman holêr biba wa cade tedbîran bigêra.