Dima ke Muqteda es Sedrî îlan kerdbi ke o bi temamî sîyasetî ra vejîyeno, terefgîrê ci vejîyayî waran. Çalakîyan de heta nika 12 kesî merdî, bi seyan kesî zî birîndar bîyî. Sedrî nawnayîşî xo rê kerdî sebeb û pare kerd ke kewto grevê vêşanîye.
Lîderê Têgêrayîşê Sedrî (Şîa) Muqteda es Sedrî hesabê xo yê medyaya dîjîtale de dabi zanayene ke o sîyasetî ra xo bi temamî apey anceno. Sedrî dîyar kerd ke Tirbe-î Şerîf û Muzeyê Koma Sedrî ra ber bire daye ke pêro dezgehanê koma xo biqefilno û vat: ''Eke ez bimira yan zî bikişîya têna şima ra wazena ke mi rê yew fatîha biwanê, dûa bikerê.''
Na eşkerayîye ra dima terefgîranê Sedrî eşt Heyetê Wezîran û Qesra Serekkomarîye ser. Goreyê çimeyanê Wezîrîya Weşîye ya Iraqî şerê mabênê terefgîranê Sedrî û hêzanê asayîşî de 12 kesî merdî, 270 kesî zî birîndar bîyî.
Serekê Blokê Sedrî Hesen El Azarîyî îlan kerd ke Muqteda Es Sedrî serebûtê Bexdadî xo rê sey sebebî mojnayê û dest pê grevê vêşanîye kerdo.
El Azarîyî ard ziwan ke heta teda û şuxilîyayîşê çekan nêvinderê Sedr do grevî rê dewam bikero.
