Weçînayîşê Iraqî 7 mengî xo pey de verdayî la hema zî serekkomar û serekwezîr/e nêame/ye weçînayene. Seba dîyarkerdişê serekwezîrî/e ganî 3 beşê parlamentoyî kom bibîyayêne la xîretê seba ney ser nêkewtî. Bi nê hawayî Iraq de proseso sîyasî yê seba awankerdişê hukmatê neweyî teng bi. Komêka sîyasetmedar û huqûqnasan pare kerd ke wexto qanûnî qedîyayo coka seba betalkerdişê parlamentoyî muracatê Mehkemeya Federale kerd.

Dadger Letîf Şêx Mistefayî hesabê xo yê facebookî de waştişnameyê muracatî ser o nuşt: ''Ganî parlamentoyê Iraqî bêro feshkerdene. Çunke demo qanûnî ameyo binpaykerdene, parlamento nêeşkeno serekkomar/e biweçîno û proseso sîyasî teng bîyo. La înîsîyatîfê mehkeme çin o ke parlamentoyî betal bikero.''

Letîf Şêx Mistefayî pare kerd ke goreyê madeya 64. ya Qanûnê Bingeyî yê Iraqî tena parlamento eşkeno xo betal bikero.