Iraq û Sûrîye de mengêke de 55 reyî hêrişê Amerîka ame kerdene
Pentagonî pare kerd ke Iraq û Sûrîye de mîyanê mengêke de 55 reyî hêrişê hêzanê Amerîka ameyo kerdene. Ame parekerdene ke nê hêrişan de bi desan leşkerî birîndar bîyê.
Şerê mabênê Îsraîl û Hamasî reyde hêrişê vera leşkeranê Amerîka zêdîyayî. Hetkara Vervatoxê Pentagonî Sabrina Singh vat: ''17ê teşrîna verêne ra nata 55 reyî hêrişê hêzanê Amerîka ame kerdene.''
Ame parekerdene ke nê hêrişan ra 27ê ci Iraq de, 28ê ci zî Sûrîye de vera yewinanê Amerîka ameyo kerdene û netîce de 59 leşkerê Amerîka bi sivîkî birîndar bîyê.
Washingtonî Tehran sûcdar kerd ke tewrê hêrişanê wekaletî bîyo. Sûrîye de vera cayanê nêzdîyê Îranî ra hîrê hêrişî ameyî kerdene.
