Iraqî de seba ke rejîm bivurîyo çalakî ameybî kerdene û galê nê çalakîyan ameybî kerdene. 1ê teşrîna verêne ra heta ewro gore bîlançoyê resmî 319 kesî merdî. Neteweyanê Yewbîyayeyan xerîta rayîrî pêşkêş kerde, DYA zî waşt ke weçînitiş bêro kerdene.
10ê teşrîna peyêne de başûrê Iraqî de hêzanê emnîyetî galê çalakîkeran kerdîbî. Nê galî de 3 kesî ameybî kîştene û 200 kesî zî birîndar bîbî.
1ê teşrîna peyêne ra heta nika çalakîyê protestoyî yenê kerdene. Hukumet duştê çalakîkeran de kewto tengasîye. Şodirê roja yewşemeyî de bîlançoyê resmî amey eşkerakerdene. Gore nê bîlançoyî 319 kesî ameyê kîştene. Hêzê siyasî yê serekeyî seba ke peynîya çalakîyan bêra û hukumetî bireynê bi zorê Îranî peymanêke îmza kerdîbî. Peymane ra dima no hefteyêk o ke înternet û torê komelkî ameyê qutkerdene û xedarkî galê çalakîkeran yeno kerdene. Roja yeşemeyî de Nasirîye de 3 kesî amey kîştene û 200 kesî zî birîndar bîy. Roja şemîye de zî 9 çalakîkerî ameyî kîştene.
UNAMI yo ke mîsyonê Neteweyanê Yewbîyayeyan ê Iraqî yo seba krîzî ra vejîyayîşî planêk pêşkêş kerd. UNAMI waşt ke pêro çalakîkerê ke ameyê girewtene ganî serbes raverdîyê û mîyanê hîrê aşman de refarandumê qanunê bingeyênî bêro kerdene. UNAMI waşt ke mîyanê di hefteyan de zî qanunê weçinitişî çiman vera bêro derbazkerdene û vera bêqanunîbîyayîşan tedbîrê neweyî bêrê girewtene.Rayberîya Washîngtonî zî waşt ke wa weçînitişî bêrê kerdene û qanunê weçînitişî de reformî bêrê kerdene.Washingtonî veng da ke wa vera çalakîkeran şîdet bêro vindarnayene.
