Heyetê Asayîşê Mîllî yê Iraqî Qirkerdişê Zaxoyî ra dima kom bi û eşkerayîyêke daye. Eşkerayîye de ame waştene ke wa Tirkîya bi hawayêkê fermî uzrê xo biwaza û pêro hêzanê xo Iraqî ra bianca.

Konseya Asayîşê Neteweyî ya Iraqî kombîyayîş de birê neweyî girewtî. Nê 8 birî wina yê:

-Konseya Asayîşî Wezîrîya Karanê Teberî erkdar kerde ke derheqê hêrişanê Tirkîya yê vera serdestîya Iraqî û asayîşê Iraqî de dosya amade bikera. Bi lezî na dosya teslîmê Konseya Asayîşî ya Neteweyanê Yewbîyayeyan bikera.

-Wezîrîya Karanê Teberî ya Iraqî wa venga sersefîrê Tirkîya bida û derheqê cezayan de agahdar bikera.

-Wa sersefîrê Iraqî yê Tirkîya bêro vengdayene û sersefîrêko newe bêro erşawitene.

-Fermandarê operasyonanê hemparan ame erkdarkerdene ke ma rê derheqê rewşa sînorî de raporêkî amade bikero.

-Derheqê rewşa qurbananê hêriş û keyeyanê şehîdan de û derheqê tazmînatê înan de wa cigêrayîş bêro kerdene.

-Wa Hukmatê Herêmî reyde koordînasyon bêro kerdene ke verê binpaykerdişan bêro girewtene.

-Wa Tirkîya bi hawayêkê fermîyî uzrê xo biwaza û hêzanê xo yê leşkerîyan erdê Iraqî ra bianca.

-Konseya Asayîşî reyna dibare kena ke erdê Iraqî warê hêrişanê tay hêzan û rêxistinanê terorîstan nîyo.