Paytextê Afganîstanî Kabîl de ewro saetanê serê sibayî de dekewtişê qereqolê polîsan de  hêrişo bibomba ame kerdene. Netîceya hêrişî de 10 înan sivîlî 14 kesan cuya xo vînî kerde û 145 kesî birîndar bîyî.

Vervatoxê Talîbanan Zabîhûllah Mucahîdî medyaya sosyale de da zanayene ke hêriş hêtê înan ra ameyo kerdene û hêrişêkê xokiştişî yo. Demê muzakerayanê Talîbanan û Amerîka de bîyayîşê hêrişî bale ante xo ser.