Kamaraya Avamî ya ke baska cêrîne ya Parlamentoya Îngilstanî ya peymana şert û mercanê qedînayîşê endamîya Yewîya Ewropa (Brexit) tesdîq kerd.

Raydayîş de vera 231 rayan bi 330 rayan peymane ameye qebulkerdene. Peymane nê hewteyî do Kamaraya Lordan de bêra ercnayene. Eke Kamaraya Lordan de zî peymane bêra qebulkerdene, peymane do bi destûrê Kralîçe Elîzabetha Diyîne biba qanûn. Eke Kamaraya Lordan metînê peymane de vurnayîşêk bikerê hînî ganî newe ra peymane Kamaraya Avamî de bêra ercnayene û reyna reydayîş do bêro kerdene. Hukmat xîret keno ke vernîyaz 31ê çeleyî ra verî pêşkêşê Kralîçe bikero û pê bido qebulkerdene.Eke destûrê Kralîçe ra dima peymana biba qanûn Îngilîstan do 31ê çeleyî de Yewîya Ewropa ra bivejîyo.