Komara Qerebaxî ya ke 1ê çeleyê 1924î de xoserîya xo îlan kerdbî, îşxalê Azerbaycanî ra dima bire daye ke pêro dezgehan û hukmatê xo fesh bikera. Îdarekarê Qerebaxî Samvel Chakramanianî îlan kerd ke pêro dezgeh û rêxistinê hukmatê Qerebaxî 1ê çeleyê 2024î de wedarîyê û Komara Qerebaxî bi nê hawayî xo fesh bikera.

20ê êlule de Azerbaycanî reyna hêrişê Qerebaxî kerdbî. Qerebaxî 24 saetan ra dima çekê xo verdayî û qebul kerd ke entegreyê Azerbaycanî bibo.

Îşxalê Azerbaycanî ra dima Qerebax xalî beno. Heta nika 65 hezar û 36 kesan Qerebaxî ra koçê Armenîstanî kerd ke na hûmare nêmeyê nufusê Qerebaxî yo.

Aktor û dîrektorê amerîkayîjî Mel Gibsonî hesabanê xo yê medyaya dîjîtale de bi videoyî vat ke ''Tarîx bi hawayêkê trajîkî dibare beno. Ma reyna benê şahîd ke qirkerdişê armenîyan dewam keno. Ganî dinya seba agêrayîşê şarê Qerebaxî têbigêra. Wa şarê armenîyan çêrîya xo ra fek vera nêdo.''