Meclîsê Temsîlkaran û Komîsyonanê Xizmetanê Çekdaran ê Senatoyê DYA waşt ke seba peymana S-400î ya ke Tirkîya Rûsya reyde kerde ambargoyî bêrê caardene.

Her di komîsyonan bazarîya bi mengan ra dima butçeyê serra 2020î  ser o pêkerde ke 738 mîlyar dolarî bêro dayene Wezaretê Pawitişî yê Amerîka (Pentagon).

Yeno pawitene ke Qanûnê Selahîyê Pawitişê Neteweyî (NDDA) ke ser o pêkerdiş ame kerdene  heta peynîya serre pêşkêşê Serekê DYA Donald Trumpî bêro kerdene.

Her di komîsyonan pare kerd ke dewleta tirke bi hêrînayîşê sîstemê pawitişî yê Rûsya S400î teyarayê şerî yê F-35î gef kerdî û venga Trumpî da ke seba Tirkîya ambargoyan biko. Komîsyonanê Xizmetanê Çekdaran ê Senatoyî û Meclîsê Temsîlkaran waşt ke transferê teyarayanê şerî yê F-35î seba Tirkîya bêro qedexekerdene.

Yeno waştene bi madeyêka teybete ya ke butçe de ameye cadayene seba projeyanê Pêlê Vakurî 2 û Pêlê Tirkî yê rejîmê Anqara ambargoyî bêrê kerdene.