Goreyê Serekîya Fermandarîya Pêroyî ya Kongreya Başûrî Koreya Vakure goreyê saeta herême 10.48 de fuzeya balîstîke ya bi menzîlê kilmî ver bi Dengizê Japonya eşte. Dîya zanayene ke fuze kewte hewa û 240 kîlometre şîye.

Japonya zî ceribnayîşê fuzeya balîstîke sereraşt kerde û vera ney nêrazîbîyayîşê xo mojna.

Amerîka, Koreya Başûre û Japonya menganê peyênan de vera Koreya Vakure tatbîqatê leşkerî yê hemparî zêdînayî. Koreya Vakure zî nê tetbîqatî sey xîretê îşxal û rijnayîşê rejîmî pênase kerdî.

Roja sêşemeyî zî wextê kombîyayîşê berzî yê G20î de Serekê Amerîka Joe Bidenî xîret kerd ke Serekê Çînî Şi Cinping îqna bikero ke tedaya Koreya Vakure bikero. Bidenî, Serekê Koreya Başûre Yoon Suk-Yeolî û Serekwezîrê Japonya Fumio Kishidayî reyde pare kerd ke eke Koreya Vakure fuzeya nuklere biceribna ê do cewabêkê xurtî bidê.

Goreyê çimeyanê rojawanijan (Ewropa) Koreya Vakure serra 2017î ra nata reya verêne tarîxê xo de fuzeya nuklere ceribnaye.