Hêzanê dewlete roja yewşemeyî Beyrut de fîşekê plastîkî û bombayê gazî vera çalakîkeran xebitnayî. Çalakîkeran bi kerrayan cewab da hêzan. Roja diyîne de şer de tewr tay 145 kesî birîndar bîyî. Hûmara birîndara resaye 546 kesan.

Çalakîkerî kuçeyêkê verê parlamentoyî de kom bîyî û înan sloganê ''şoriş, şoriş'' vat. Şer heta şanî dewam kerd. Çalakîye roja dişemeyî zî nêqedîyaye. Serê sibayî zaf rayîrê Trablusşamî ameyî girewtene. Şaristanê Saîda û Majdelyunî yê başûrê welatî de buroyê bankayan ameyî xerakerdene. Lubnan de hewteyanê peyênan de çalakîyî bîyî zêdêr. Her çiqas çalakîyî 3 mengan ra nata zî dewam kenê îdarekarê sîyasîyî seba çarekerdişê krîzî gamêke nêeşte. Îdarekaranê pawitêne ke çelakîyî do kêm bibê la bi serra newîye bibê zêdêr. Dima ke peynîya hewteyî asta nawnayîşan bîye zêde Serekkomar Michel Aounî veng da ke bi beşdarîya Wezîranê Pawitişî û Karanê Zereyî kombîyayîşêkê asayîşî ganî bêro kerdene.