Goreyê Rêxistina Barkerdişî ya Mîyanneteweyî Libya de yew keştî cum bîye 22 macîranê maliyijan dinyaya xo bedilnaye.

Rêxistina Barkerdişî ya Mîyanneteweyî da zanayene ke 61 macîrê ke bi yew bote new rojî dengiz de mendî hetê yewîyanê asayîşî yê Libya ra ameyî xelisnayene.

 Vervatoxê Rêxistina Barkerdişî Safa Msheilî vat: ''Macîrî 22ê hezîrane de bajarê Zuwara yo ke sînorê Tunusî de yo ra kewtê rayîr. Êyê ke weş mendê roja şemeyî dengizî ra vejîyayî û goreyê zanayîşê ke înan ra ameyî girewtene 22 macîranê malîyijî wextê raywanîye de dinyaya xo bedilnaye ke mîyanê înan de 3 domanî zî est ê. Sebebê mergê macîran fatisyayîş û bêawîye yo. Macîrê ke xelisîyayî înan ra rewşa tayînan zaf giran a, nêweşxane de yenê tedawîkerdene. Macîrê bînî merkezê macîran ê  El Maya de ameyî cakerdene.''