Goreyê eşkerayîya Rêxistina Koçî ya Mîyanneteweyîye (IOM) roja çarşemeyî qeraxanê Sabrata yê Lîbya de keştîyêka koçberan cûmê awe bîye.

Şefê Mîsyonê Lîbya yê IOMî Federicco Sodayî pare kerd ke goreyê texmînanê înan tewr tay 15 koçberî merdî. Sodayî eşkera kerd ke 5 koçberî zî ameyî xelisnayene û erşawîyayî Lîbya.

Sodayî ard ziwan ke roja sêşemeyî zî hêzanê asayîşê qeraxî yê Lîbya tewr tay 70 koçberî Dengizê Sipî de destbend kerdî û berdî Lîbya.

Serranê 1990an ra nata bi des hezaran koçberê ke xîret kerdêne şorê Ewropa, Dengizê Sipî de xeniqîyayî. Bazirganîya merdiman Lîbya de semedê şerê zereyî ra zaf vila bîye. Yeno vatene ke emser tewr tay 10 hezar koçberî hetê hêzanê asayîşî yê Lîbya ra tepişîyayî.