Lulîya petrolî ya Misirî veşaye, gelek kesî merdî
Lulîya petrolî ya Misirî veşaye, veşayîşî de tewr kêmî 6 kesî canê xo ra bîy.
Gore beyanatê Wezaretê Weşîye, dewa Itay El Barûdî yê Wîlayetê Behetra yê mîyanê Qahîre û Îskenderîye de lulîya petrolî seba ke petrol ci ra der beno veşaye. Ferfekê wezaretê Xaled Megahedî dîyar kerd ke veşayîşî de 6 kesan can da.
Serebûtî de 15 kesî zî bîy birîndar. Mudurê sazîya ke lulîyanê petrolî ra berpirsîyar a Abdulmoneym Hafezî dîyar kerd ke qaçaxçîyê petrolî bîyê sebebê nê veşayîşî. Hafezî vat qeçaxçîyan kerd o ke lulîye ra petrol der bikerê, lulîye şikita û naye ra serkewte lulîye kile girewta.
