Mabênê Fransa û Îngilîstanî de peymana koçberan

Fransa û Îngilîstanî koçberîya Dengizê Manşî ser o peymanêka newîye viraşte. Wird welatî do îmkananê xo yê teknolojîkan û dewrîyeyanê xo bizêdînê.

Wezîrê Karanê Zereyî yê Îngilîstanî Priti Patelî eşkerayîyêke daye û vat: ''Seba ke derbazkerdişê Manşî zor bibo ma peymanêke viraşte.''

Goreyê peymane 1ê kanûne ra dima dewrîyeyê Fransa do di qat zêdêr bibê û serê sînoran de dron û radarî bişuxilîyê.

2019 de 4 û 2020 de zî 7 koçberan Dengizê Manşî de dinyaya xo bedilnaye. Brîtanya Fransa sûcdar kerdêne ke tedbîrî nêgirewtî. Menga êlule de selahîyetdaranê Fransa pare kerd ke înan 1300 koçberî Dengizê Manşî de asteng kerdî la 30 koçberan bi asnawekerdişî Manş derbaz kerd.

1ê çeleyî ra heta 31ê tebaxe 6200 koçber û multecîyan xîret kerd ke Dengizê Manşî derbaz bikerê.