Heyatê Konserî yê 'Crocus City Hall' ya Moskova de hêriş ame kerdene ke çeteyanê DAÎŞî girewt xo ser. Hêriş de 93 kesî merdî. Komîteya Cipersayîşî ya Rûsya vat beno ke hûmarê mergan bizêdîyo.

Selahîyatdaranê asayîşê Rûsya da zanayene ke hêriş de 93 kesî merdî û tewr tay 100 birîndarî est ê. Wezîrîya Weşîye ya Rûsya zî vat rewşa 60 kesan giran a. Dîya zanayene ke 11 kesî kameyî destbendkerdene.

Îdareyê Xoserî yê Rojawanî zî vat: ''Herêma ma de zî hêrişêke wina sîvîlan hedef genê yenê kerdene. Ma hêrişê terorî ke Moskova de bîyo şermezar kenê. Bi nameyê şarê Rojawanî ma merdimanê qûrbanan û şar û hukmatê Fedrasyonê Rûsya rê serweşîye wazenê, birîndaran rê şîfa wazenê.''