Musteşarê MÎTî Koalîsyonê Serwerîya Sunîyan de ronişt
Selahîyetdarê Rêxistina Îstîxbaratî yê Tirkan (MÎT) paytextê Iraqî Bexdad de selahîyetdaranê Koalîsyonê Serwerîya Sunîyan de pêvînayîş kerd.
Nê prosesî de ke hêrişê îşxalî yê dewleta tirke vera Başûrê Kurdîstanî dewam kenê, Musteşarê MÎTî Hakan Fîdanî Bexdad zîyaret kerd.
Dîya zanayene ke Fîdan Serekê Kaolîsyonê Serwerîya Sunîyan Hamîs Hançerî de pêvînayîş kerdo.
Goreyê xebera kanalê Îtîfaqê Serwerî yê Sunîyan UTVyî rojdemê zîyaretê Fîdanî PKK û krîzo sîyasî yê Iraqî bîyî.
No zîyaret hêrişê vera Zaxoyî yê 20ê gulane ra dima ame kerdene ke tede 9 sivîlê erebî ameybî qirkerdene. Hêrişî ra dima çalakîyê şermezakerdişî ameybî kerdene û amebi waştene ke wa dewleta tirke Iraqî ra vejîya.
