Vervatoxê NATOyî dylan Whiteyî bi eşkerayîyêke pare kerd ke seba ke Qralîyeto Yewbîyaye estbîyayîşê NATOyî xurt bikero, do nêzdîyê 600 leşkeranê xo Kosova de cabikero.

Vervatoxî vat ke endamê bînî yê îtîfaqî zî do leşkeran bişawê Kosova û dîyar kerd ke na bire dima ke 24ê êlule de vera polîsanê Kosova hêriş ameyo kerdene û alozîya herême zêdîyaya ameye girewtene.

Roja yewşemeyî vakurê Kosova de polîso kosovayîj pê dafikêke amebi kiştene.

Hukmatê Kosova zî roja şemeyî bi eşkerayîyêke venga Sirbîstanî da ke yewinanê xo yê sînorî apey bianco. Kosova serê sînorî de cakerdişê leşkeran sey gefî vîbena.