Nawnayîşê vera hukmatî yê ke 1ê teşrîna verêne de Iraq de dest pêkerd dewam kenê dima ke wexto ke seba hukmatî ame dayene qedîya çalakîyê hîrayî bîyî. Destpêkê hewteyî de des şaristanan de nawnayîşî ameyî kerdene.

Nawnayîşkeran Bexdad, Zîkkar, Necef, Kerbela, Musenna, Basra, Vasit û zaf şaristananê bînan de rayîrî û tarfîk girewtî. Heman şaristanan de hêzanê asayîşî bi bombayanê gazî û çekan hêrişê çalakîkeran kerd.

Roja dişemeyî hêrişê hêzanê asayîşî de tewr tay 4 nawnayîşkerî û 2 polîsî merdî û tewr tay 100 nawnayîşkerî û hêzê asayîşî birîndar bîyî.

Şaristananê ke nawnayîşî tede yenê kerdene dibistane û dezgehê fermîyî kewtî binê tehlukeyî. Nawnayîşan şewe zî dewam kerd.

Sere de lîderê Têgêrayîşê Sadr El Muqteda El Sadrî zaf partîyanê sîyasîyan û rêxistinanê Iraqî bale ante kiştişanê nawnayîşkeran ser û pare kerd ke hukmatê Iraqî rê gefê cidîyî yenê wendene û venga hukmatî da ke wextêkê kilmî de cewab bido waştişanê şarî.

1ê teşrîna verêne ra zêdêr nawnayîşan de 500 kesan ra zêdêr kesî merdî û 25 hezar kesî birîndar bîyî.