Bajarekê Bara yê Nepalî de û herêmanê dorê ci de firtineyêko gird werişt. Rîyê firtineyî ra xeylî keyeyî rijîyayî, darî kok ra visîyayî, dîregê elektrîkî kewtî.

Selahîyetdaranê herême da zanayene ke tewr kêmî 27 kesan cuya xo kerde vîndî, 600 kesan ra zêdeyî zî birîndar bîyî. Xebatê seba xelisnayîşî herême de dewam kenê.  Yeno vatene ke bîlanço do girantir bibo.

Serekwezîr K.P. Sharma Olî keyeyanê kesanê cuya xo vîndî kerda rê serweşîye waşte.

Nepal de, mewsîmê wisarî de firtineyê winasîyî zaf nêqewemîyenê.