Raportora Taybete Hîlale Elvera ke hetê Neteweyanê Yewbîyayeyan ra ameye wezîfedarkerdene hişyar kerd ke Zimbabwe ya ke nufusê ci 15 mîlyon o, se ra 60 merdimî vêşan ê. Elevere paytextê Zimbabwe Harare de kombîyayîşê çapemenîye kerd û pare kerd ke Zimbabwe çar welatan ra yew a ke bêasayîşîya xida asta tewr berze de ya.

Raportora Neteweyanê Yewbîyayeyan pare kerd ke 5.5 mîlyon merdimî ke werd nêkeweno destê înan herêmanê nêaverşîyayeyan de yê.

Gore raporê Neteweyanê Yewbîyayeyan Zimbabwe de 2.2 mîlyon merdimî problemê peydakerdişê xida reyde rî bi rî yê. Peydakerdişê awa şimitişî û xizmetanê weşîye de zî kêmasîyê pîlî estî.

Gore Neteweyanê Yewbîyayeyan mesela vêşanîye ya Zimbabwe beno ke mabênê çend hewteyan de giranêr biba. Raporî de ame îfadekerdene ke eke bi lazebezî çîyêk nêro kerdene tewr tay 8 mîlyon merdimî tehlûkeyê vêşanîye de têrî bimanê.