Neteweyê Yewbîyayeyî seba qedînayîşê krîzê Yemenî veng da

Îdarekarê Programê Averberdişî yê Neteweyê Yewbîyayeyî Achim Steinerî seba qedînayîşê krîzê merdimîye yê giranî yê Yemenî veng da.  

Selahîyetdaro payeberz ê Neteweyê Yewbîyayeyî Steinerî AFP’yî ra vat, “Çi heyf ke no krîzê merdimîye yê dinya yo tewr giran o û her ke şino hîna beno giran, çunke dişmenîye û şer dewam keno, 20 mîlyon ra vêşêr kesî, ke hîrê ra yewê nufûse yo, îhtîyacîya înan bi hetkarîya merdimîye esta.”

 Steinerî bale ante serê sozê seba hetkarîya destpêkê serra 2019’î ya Cenevre ya ke konferans de amî dayene û vat Neteweyê Yewbîyayeyî heta nika tena se ra 36’ê na hetkarî daya pêser. Ê konferansî de soz amebi dayene ke dorê 2,6 mîlyar dolarî hetkarî seba Yemenî bêro pêserdayene. Sekreterê pêroyî yê Neteweyê Yewbîyayeyî zî waştibi ke seba Yemenijan dorê 4 mîlyar dolarî bêro pêserdayene.Goreyê sazîyanê merdimîye yê cîyayan şerê Yemenî de bi des hezaran kesan cuya xo vînî kerda ke zafaneyê înan sivîl ê.