Selahîyetdaranê Neteweyanê Yewbîyayeyan pare kerd ke ê rewşa weşîye ya pawitoxê heqanê merdiman Arash Sadeghîyî qerqilîyenê ke Zîndanê Evîne yê Îranî de tepişîyeno. NYyî venga selahîyetdaran da ke Arash Sadeghî û tepişteyê nêweşî vera bidîyê.
Arash Sadeghîyo ke karanê xo yê aktîvîstîye ra xeylêk reyî tepişîyabi, 20ê teşrîna verêne ya 2022yî de sebebêkê nedîyarî ra tepişîya. Arash Sadeghî Zîndanê Evîne yo ke sey merkezê destbendkerdişî yê Wezîrîya Îstîxbaratî zanîyeno, tede tepişîyeno. Arash Sadeghîyo ke kanserê hesteyan o, nêno dermankerdene.
Selahîyetdaranê Neteweyanê Yewbîyayeyan (NY) venga dewleta Îranî da ke sere de seba Sadeghî wa pêro tepişteyanê nêweşan vera bida.
Selahîyetdaranê NYyî vat: ''Xeylêk îdîayî resayî ma ke vanê merkezanê tepiştişî yê Îranî de îşkence û kerdişê xirabî yenê kerdene. Wexto ke nê îdîayî yenê çiman verî bi taybetî tepişteyê ke rewşa înan a weşîya krîtîk a û dermankerdişî ra bêpar verdîyenê, ma seba înan qerqilîyenê.''
