Gore raporê Neteweyanê Yewbîyayeyan (NY) Dewletanê Yewbîyayeyan ê Amerîka (DYA) dewletanê verênan ra yew a ke domanî tede tepişte yê.

Manfred Nowakî AFPyî reyde qisey kerd û pare kerd ke 103 hezar domanê koçberî zîndanan de yan zî merkezanê sînorteberkerdişan de yê. Nowakî ard ziwan ke nê domanî têna yan zî keyeyanê xo reyde xîret kenê ke debikewê DYA.

Donald Trumpî yo ke Partîya Komargîre ra bi serek çileyê 2017 wextê dest pê wezîfeyê xo kerd ra heta nika vera koçberan bi vatişanê xo yeno rojeve. Trumpî bi projeyê xo yo ke waştêne pêro sînorê Meksîka ser o dêsî bêrê viraştene bibi hedefê nêrazîbîyayîşan û heta Trumpî israr kerdibi ke proje hetê Meksîka ra bêro fînanskerdene. Seba ke no waştişê Trumpî nêame qebulkerdene birre ameye girewtene ke malîyetê dêsî hetê Wezaratê Pawitişî (Pentagon) ra bêro dayene.