Qanûnê Serê Tedbîranê Înfazê Ceza û Asayîşî yê ke sey Paketa Hukmî ya 10ine zanîyenê Meclîsî ra derbaz bîye. Paketa 30 madeyan ra 8 madeyê nîqaşî ameyê vetene.

Goreyê pakete cezayê sûcanê edlîyan û sûcanê trafîkî zêdîyayî. Pakete de sînorê înfazê cezayan ê sey hepsê keyeyî zî ameyî vurnayene.

Pakete reyde bire dîyaye ke tepişteyê nêweşê giranî û astengdarî keye de cezaya xo biancê. La tepişteyê muebedî do nêeşkê ney ra îstîfade bikerê.

Rexneyanê muxalefetî ser o sansurê înternetî, sereraştkerdişê tepişîyayîşê domanan û sûcê birnayîşê rayîrî pakete ra ameyî vetene. Ancî selahîyeto ke vano BTK eşkeno bê bira mehkeme weşanan asteng bikero zî wedarîya.