Eyaletê Belucîstanî yê Pakîstanî de kesana çekdaran 14 kesî otobusan ra ardî war û kiştî.

Wezîrê Karanê Zereyî yê Belucîstanî Heyder Elîyî ard ziwan, hêrişkaran unîformayê gruba mîlîsan a bi nameyê “Yewîyê Cepheyî” dayê xo ra. Elîyî vat, “'4 otobosê ke serê rayîrê Makranê Qereçî ra şonê bi Ormarê ameyê vindernayene û 14 raywanî ameyî kiştene.”

DAÎŞ zî aktîf o

Serekwezîr Îmran Xanî hêriş şermezar kerd.

Hewteyê vîyarteyî de paytextê Belucîstanî Quetta de hêrişêkê xokiştî de 20 kes amebî kiştene.  Yeno zanitene ke DAÎŞ zî Belucîstanî aktîf o.