Goreyê Komeserîya Berze ya Multecîyan a Neteweyanê Yewbîyayeyan serra 2021î de hîrê hezarî ra zafêr macîranê ke waştêne biresê Ewropa dengiz de fatisyayî.

Goreyê doneyanê Neteweyanê Yewbîyayeyan par 1924 kesî rayîrê binate û rojawanê Dengizê Sipî de cuya xo vînî kerde ya zî bîyî vînî. 1153 kesî zî rayîrê Dengizê  Afrîkaya Vakur Rojawane  de gama ke kerdêne ke biresê Girawanê Kanaryayan cuya xo vînî kerde.

Amebi tesbîtkerdene ke serra 2020î de nê wird rayîran de 1544 kesan cuya xo vînî kerde.

Vervatoxê Komeserîya Berze ya Multecîyan a Neteweyanê Yewbîyayeyan(UNHCR) Shabia Manttoyî ke Cenevre de kombîyayîşê çapemenîye kerde vat sereyê 2022yî ra nata zî 478 kesan degiz de cuya xo vînî kerde. Goreyê UNHCRî seba ke rîyê Covid-19î ra rayîrî  ameyî girewtene nê macîran  ser o zî tesîr kerd. Xeylêk macîr û multecîyî rixmê her çîyî bi destê tacîranê merdiman waşt xo biresnê Ewropa.