Goreyê xebera Rojnewsî Endamê Komîteya Resayîşî ya Parlamentoyê Iraqî Fatîn Qerexolîyî rojnameyê Sabahî rê qisey kerdo, vato ke înan Meydanê Teyarayan ê Silêmanî zîyaret kerdo û derheqê ablûqaya vera ci de Serekwezîrê Iraqî de pêvînayîş kerdo.

Qerexolîyî pare kerd ke ambargoyê dewleta tirke yê vera Meydanê Teyarayan ê Silêmanî serdestîya Iraqî binpay keno û Serekwezîrî waşt ke na mesele bi dîplpmasî do safî biba.

Goreyê heman xebere Parlamentoyê Iraqî derheqê hêrişanê îşxalî yê dewleta tirke û ambargoyê vera Meydanê Teyarayan ê Silêmanî de kom bibo. Wina pawîyeno ke  Endamê Komîteya Pawitiş û Asayîşî Muhammed Şemerîyî kombîyayîş de îşxalê dewleta tirke bi xurtî rexne bikero.

Goreyê rojnameyê Sabahî Şemerîyî vato ke Parlamento do vera îşxalî tewirêkê netî bigêro.

Derheqê wextê kombîyayîşê parlamentoyî de agahîyêke nêdîyaye.